ညည်းချင်လို့ညည်းတယ် :P

တနေ့တနေ့ စာရေးချင်တယ်ဆိုပြီး ဘလော့ထဲဝင်တယ်... New Post ကို နှိပ်တယ်... ရုံးမှာ အားလို့ ထိုင်နေရင်လဲ စိတ်ထဲက ရေးချင်တယ်.. ရေးချင်တယ်။ အိမ်ရောက်တော့လဲ အားကျမခံ ထပ်နှိပ်ပြန်တယ်။ တကယ်လို့သာ New Post ဆိုတဲ့ ခလုတ်ကလေးကသာ လျှပ်စစ်ပစ္စည်းခလုတ်ဆို ပျက်လောက်ပြီ။

စာကရေးချင်တယ်သာရှိတာ တွေးလိုက်တော့ ခေါင်းထဲ အာပလာ။ မတတ်နိုင်ဘူးလေ ရေးချင်တယ်ဆိုမှတော့ တခုခုတော့ ရေးမှကို ဖြစ်မယ်။ အဲတော့ ညည်းပဲညည်းပါတော့မယ်။

ချစ်လှစွာသော သူဌေး ရှေ့အပတ်က ပရောဂျက် ၃ခုရဲ့ လွန်ခဲ့တဲ့ ၂၀၀၉ နဲ့၂၀၁၀ နှစ် နှစ်စာရဲ့ အဝယ်အရောင်း စာရွက်စာတမ်းတွေကို တိုက်ရိုက်အမိန့်နဲ့ထုတ်ခိုင်းပါတယ်။ ပြောတော့ အလွယ်လေး။ ကုမ္ပဏီတစ်ခုတည်းဆိုရင်တော့ လွယ်မှာပေါ့။ အေးဆေး ကပြီးတော့တောင် ရှာပေးလိုက်ဦးမယ်။ :P

ခုတော့... ဟင်း...... အချစ်ဆုံးသူဌေး ထောင်ထားတာက ကုမ္ပဏီက ၄ခု။ ရှာလိုက်ရတာ ခေါင်းကဆံပင်တွေ အကုန်လုံး မိုးပေါ်ထောင်တက်နေပြီလား အောင့်မေ့ရတယ်။ တနေ့တနေ ့ ပုံ မှန်အလုပ်တွေလဲ ပြီးအောင် လုပ်ရသေးတယ်... ပြီးရင် စတိုခန်းထဲမှာ အချိန်ကုန်.... မိတ္တူဆွဲရလွန်းလို့မျက်လုံးက ကျိမ်း...ဖုန်နံ့တွေလဲ ရှူ... အိမ်ပြန်ရောက်ရင် စာက မလုပ်နိုင်။ အိပ်ပဲ အိပ်ချင်တော့တယ်။ (စာမေးပွဲကျရင်တော့ သူဌေး မလွယ်ဘူးမှတ်... ဟွင်းး  :P ) ဘိုင်သဝေး... ထမင်းလေးတောင် ကောင်းကောင်းဟင်းလေးတခွက်နဲ့မစားရတာကြာပြီ။ ဂလု :-[

အကူလုပ်ပေးတဲ့ တစ်ယောက်လဲ မကယ်နိုင်... ဟူးးးးး

တတ်နိုင်ဘူး။ ဒီတစ်ပတ်ပြီးအောင် ပေးပါ့မယ်ပြောထားတာ... ခုပဲ ဗုဒဟီးးပြီ။

မနက်ဖြန်၊ နောက်တရက်လဲ ကူးပေဦးတော့။

မျက်စိပျက်၊ စာမေးပွဲကျရင် အဲသူဌေးကြောင့်ပဲ... ဟဲဟဲ

ကဲ ရေးချင်တာလဲ ရေးပြီးပြီ...

သတ္တဝါအားလုံး ကျန်းမာချမ်းသာ ဘေးဘယာ ဝေးကွာကြပါစေ။