Skip to main content

ကျွန်မချစ်သူ



ကျွန်မချစ်သူ အကြောင်းပြောပြမယ်

နားလေးတစ်ချက်တော့ ပေးသနားကွယ်။

ချစ်ပါသတဲ့ ပြောခဲ့တာ

ကျွန်မမွေးနေ့မှာ။


သူ့ရဲ့ပုံစံ ပြောမကွဲ့

အောက်ပါအတိုင်းမှတ်။

ကျွန်မချစ်သူ ကိုလူချော

မောင့်ကိုယ်ကတော့ ဝဖိုင့်ဖိုင့်။


အရပ်မှာဖြင့် ပြိုင်စံရှား

၄ပေလောက်သာ ရှိရှာသား။

ကြောင်မျက်ရွဲနှယ် မျက်လုံးဟာ

ချစ်စရာကောင်းလှတာ။


ရွှေပါးစပ်ကြီး ရီတာများ

ကိုဖားကြီး ပါးစပ်အလား။

ဆိုးနွဲ့သမျှ တခွန်းမတုံ့

မျက်နှာပြုံးစိစိ။


ဘယ်သူ ဘယ်လို ဘာကြောင့်ထင်

မောင့်သာလျှင် ကျွန်မချစ်တာ။

တင်းကျပ်ကာပဲ ဖက်ထားမည်

ကျွန်မ ရင်ခွင်ကြား။


ဟိုးအရင် ဘယ်တုန်းကမှန်း မသိ ရေးခဲ့တာလေးတွေ ပြန်ပြန်တင်နေတာ။ ဒါရေးခဲ့တုန်းကလဲ ဘာကိုကြည့်ပြီး ရေးခဲ့တယ် မသိတော့ဘူ။ :D အတော်လှတဲ့ ချစ်သူလေးပဲ နေမှာ။ :D


Labels:

Comments

Post a Comment

Popular posts from this blog

New Zealand ရောက် မှတ်စု ၁

 New Zealand က အခြေအနေလေးတွေ ရေးမယ်လို့ တွေးထားတာ ကြာပေမဲ့ မရေးဖြစ်။ ခုဆို တစ်နှစ်ခွဲလောက်ရှိတော့မယ်။ ခုမှ စရေးတော့ NZ Christchurch လေဆိပ်ကြီးထဲ ဝင်တော့ ခံစားရတဲ့ ဘလာ ဘလာ ရေးရမလား ... ခု လက်ရှိ အခြေအနေရေးရမလား ... လားပေါင်းများစွာနဲ့ ချာချာကိုလည်လို့။  အမှတ်တရတော့ မှတ်စုလေးတော့ ရေးထားသင့်တယ် မဟုတ်လား။ ဘာပဲပြောပြော အသက် ၃၉ နှစ် ကျော် ၄၀ ဝန်းကျင်မှာ အခြေအနေ အသစ်၊ နေရာအသစ်ကိုရောက်ပြီး၊ အစစ အရာရာ အသစ်ပေါင်းများစွာနဲ့ ကိုယ့်ကိုယ်ကို မယိုင်မလဲ ရပ်တည်နိုင်တဲ့ စိတ်စွမ်းအား၊ လုပ်နိုင်တဲ့စွမ်းအားကို ချီးကျူးရမှာပဲ။ ခု ၁နှစ်ကျော် ကြာလာတဲ့ အချိန်မှာ ကိုယ်ကိုယ်ကို အတော်သတ္တိရှိပါလား လက်ခံလာပြီ 😂 (ဤကား စကားချပ်)။  အဲတော့ ကျောင်း Program ကနေ စရေးရရင် ... Master of Professional Accounting (CPA)၊ 180 Credit နဲ့ တစ်နှစ်ခွဲ Canterbury မှာ ရှိတဲ့ Lincoln University မှာ တက်ပါတယ်။ အဲ University က Land နဲ့ ပတ်သက်တဲ့ ဘာသာရပ်တွေကို သူက အဓိကထားတာပေါ့၊ တခြား University တွေနဲ့ တော့ နည်းနည်းကွာတယ်။ Program က CPA Australia နဲ့ ချိတ်ထားတော့ Stress Level ကတော့ မြင့်ပါတယ်။ (အဲလိုပဲ လုပ်လိုက်ရင် ဘာပဲဖြစ်...
1 comment
Read more

စမ်းသပ်မှု

ခေါင်းစဥ် ကြည့်ရုံနဲ့ဒီကလေးမ ဘာများ စမ်းပြန်တာတုန်းလို့တွေးထင်ဖွယ်ရှိပါလိမ့်မယ်။ တခြားမဟုတ်ပါ။ မိန်းကလေး ဖြစ်ရတဲ့ ဒုက္ခပေါ်အခြေခံပြီး ပေါ်ပေါက်လာတဲ့ စမ်းသပ်မှုပါ။ စလုံးက မိန်းကလေးတွေကို ကြည့်လိုက်။ တအားလှကြပါတယ်။ မျက်တောင်လေးများက မိုးထိအောင် ကော့ပြီးတော့။ လှရက်နိုင်လိုက်ကြပုံများ။ မိန်းကလေးတွေရဲ့အလှက မျက်လုံးပေါ်တည်နေတယ်ဆိုသလိုပဲ။ မျက်တောင်လေးကကော့၊ မျက်လုံးကာချယ်တွေနဲ့မျက်လုံးက ပေါ်လွင်ပြီး၊ တချက်အကြည့်ခံရရင်ကို မူးမေ့လဲမတတ်ပါပဲ။ အဲသလို သူများတွေ လှတယ်ဆိုတာ မြင်ရ၊ တွေ့နေရပြန်လေတော့၊ အနှီ မိန်းကလေးတဦးဖြစ်တဲ့ မေသူဆိုသဟာလဲ မျက်ဝန်းလှလှ ပိုင်ချင်ပြန်တော့တယ်။ နဂိုမျက်လုံးက မှေးမှေး၊ မျက်ရစ်ကမရှိ၊ မျက်တောင်က မျက်ရစ်အောက်ထဲဝင်နေရှာတော့ မျက်တောင်က မကော့နိုင်၊ အဲသလောက် နုံချာတဲ့မျက်လုံးပိုင်ရှင် ဖြစ်တဲ့သူဆိုတော့ ခုခေတ်ကာလ တီထွင်သူတွေကို မတရားကျေးဇူးတင်မိပါတယ်။ ခုခေတ်က အတုတွေလဲ များသကိုးး။ မျက်တောင်တုတော့တပ်မဟေ့လို့စမ်းသပ်ချင်စိတ် တဖွားဖွား စိတ်ထဲ ရင့်သန်ခဲ့တာ အချိန်လွန်စွာ ကြာမြင့်ခဲ့ပါပြီ။ သို့ပေမဲ့ အနီးအနား ရှိတဲ့ ညီမ၊ အစ်ကိုတော်များ၏ တရစပ်ထိုးနှက်မှုကြောင့် အကောင်အထည်မပေါ်ဖြစ်ခဲ့လေသမျှ (သူ...
2 comments
Read more

ဒီရေ

ဒီရေ... ဒီရေ ဆိုတာ အတက်အကျရှိတယ်... အတက်ရှိပြီး အကျရှိတယ်ဆိုတာ သဘာဝ တရားပေါ့... သဘာဝတရားဆိုတာ အမြဲတမ်း အမှန်တရား... အမြဲတမ်းမှန်တဲ့ အတွက် လက်ခံကြရတယ်။ စိတ်အလျဉ်... စိတ်အလျဉ်ဆိုတာ အတက်အကျရှိတယ်... တက်ပြီးကျ၊ ကျပြီးတက်... ပြောင်းလဲမှု သဘာဝ တရားပေါ့... ဒါဟာလဲ... လောကဓမ္မ။ ဒါပေမဲ့ မင်းစိတ်အလျဉ်ကြောင့်... တပါးသူကို ဘယ်အထိ ထိခိုက်မိပြီလဲ... မထိခိုက်မိအောင် ကြိုးစားပြီးပြီလား...
Post a Comment
Read more